Subling nagpagawas sa baga nga aso ang Bulkang Kanlaon.
Nakita kini sa mga eksperto sa Philippine Institute of Volcanology and Seismology sugod alas 12: 50 sa kadlawon, ning adlawa, Pebrero 13.
Gibutyag sa HIVOLCS, nga milungtad sa 17 minutos ang pag-asp o pagporma sa plume nga misaka hangtod 300 metros ibabaw sa baba sa sa crater.
Ang hungaw niini mipadulong sa direksyon sa habagatan‑kasadpan.
Kini nga aktibidad, narekord sa thermal camera sa Lower Masulog (VKLM) observation station.
Sa miaging Pebrero 12, 2026, nga report, mitala ang PHIVOLCS sa 11 volcanic earthquakes; 1,118 tonelada nga sulfur dioxide flux, ug ground deformation nga nagpakita nga naghubag sa edipisyon sa bulkan.
Tungod niini, nagpabilin ang Alert Level 2 ang Kanlaon tungod sa moderate unrest ug posibilidad sa kalit nga pagbusikad.
Gipahimangnoan ang publiko nga dili mosulod sa 4‑kilometro Permanent Danger Zone (PDZ).
Ang mga eroplano dili tugotan nga molupad duol sa crater.
Ang ahensya nagpasidaan nga posible gihapon ang kalit nga steam‑driven o phreatic explosions ug magmatic eruption, busa kinahanglan nga magmatngon ug sundon ang tanang advisories sa PHIVOLCS.
