Nagpabiling alert level 1 ang pag-alburuto sa Bulkang taal.
Taliwala kini sa minor nga phreatomagmatic eruption nga nahitabo sa bandang alas 5:30 sa kadlawon.
Ang aktibidad miresulta sa grabeng pagsaka sa aso nga miabot hangtod sa 1200 metros ibabaw sa baba.
Makita kini nga hitabo sa recorded video sa Main Crater IP Camera ug thermal cameras sa Philippine Institute of Volcanology and Seismology niadtong Oktubre 25, 2025.
Ang Alert Level 1, nagpasabot nga adunay aktibidad apan wala pa’y direktang hulga sa mga komunidad palibot sa bulkan.
Gidid-an gihapon ang pagsulod sa Taal Volcano Island ug ang pagpalupad sa mga aircraft duol sa baba.
Gihangyo sa PHIVOLCS ang publiko nga magmatngon ug sundon ang mga abiso sa lokal nga awtoridad.
