GIBUTYAG ni Alvic Marie Francisco, Child Protection Focal Person sa DepEd CDO, nga ang bullying makapaluya sa self-esteem sa kabatan-onan ug makapawala sa ilang interes sa pag-eskwela kung walay husto nga intervention.
Gisulti usab niya nga gisiguro sa DepEd nga ang tanan nga kaso sa child protection, lakip na ang bullying, gina-dokumento aron magamit sa non-legal interventions.
Gi-emphasize niya nga ang interventions dili lang nagatutok sa biktima ug sa nagbuhat sa bullying, apan apil ang tibuok tunghaan pinaagi sa mga programa sama sa anger management, empathy workshops, ug anti-bullying symposiums.
Gisugdan kini nga mga lakang human sa viral nga video nga nagpakita sa bullying sa gawas sa usa ka tunghaan sa syudad. (Phillip Ariata)
