Gihupay ni Bulua Punong Brgy. Al Legaspi Jr. ang kabalaka sa mga ginikanan ug estudyante sa Bulua National High School mahitungod sa mikatag sa social media nga bahad sa pagpamusil.
Matod pa sa kapitan, padayon ang hugot nga pagbantay ug police visibility sa kapulisan ug sa mga opisyal sa barangay aron masiguro ang kaluwasan sa sulod ug gawas sa tunghaan.
Samtang giklaro usab sa mga otoridad nga gihimo na nila ang tanang pamaagi aron imbestigahan ang maong hulga ug maprotektahan ang kaayohan sa mga estudyante.
Hinuon, samtang gipahinumdoman ang publiko ug ang mga ginikanan nga magpabiling kalmado apan alerto, gipunting usab sa kapitan nga karong panahona gikinahanglan kaayo ang mga ginikanan nga mogiya ug hatagan og panahon ang ilang mga anak aron dili malambigit sa mga grupo nga modala kanila sa daotang buhat.
