CAGAYAN DE ORO CITY-Gipaubos sa surprise random drug test ang mga drayber sa mga bus nga nakabase sa public terminal sa Brgy Bulua ning syudad.
Kini human gilusad sa PDEA-10 ang ‘Oplan Undaspot’ inabagan sa LTFRB-10 ug LTO sa maong terminal kaganihang buntag.
Miingon si PDEA regional director Wilkins Villanueva nga kon masuta nga shabu positive ang drivers,gilayon kining did-an pag-maneho sa mga bus.
Gihimo ni Villanueva ang maong inisyatiba sa pagsiguro nga magbaton sa luwas nga biyahe ang mga pasahero nga mo-obserbar sa adlaw sa mga santos ug kalag sa Nobyembre 1 ngadto 2 ning tuiga.
Samtang gikalipay ni LTFRB regional director Allan Guro nga kaabag nila ang PDEA-10 sa pagsiguro nga layo sa bisyo sa illegal nga droga ang bus drivers nga nagbiyahian sulod-gawas sa Northern Mindanao.
Kini human gilusad sa PDEA-10 ang ‘Oplan Undaspot’ diin sorpresa nga gipaubos sa drugtest ang bus drivers sa public terminal sa Brgy Bulua sa syudad.
Miingon si Guro nga himoon nila ang pagkuyog sa PDEA operatives sa ubang mga terminal,pantalan ug airport pagsiguro nga likay sa ilegal nga droga ang mga gimaneho sa pagpublikong mga sakyanan.
