CAGAYAN DE ORO CITY – Gitubag ni Cabanglasan Mayor Reynante Inocando ang tanang tulubagon sa pagka-aksidente sa iyang non-passenger bus diin nag-resulta sa kamatayon sa babayeng senior citizen ug laing 19 ang samaron sa Sayre Highway,Sitio Mangima,Brgy Tankulan,Manolo Fortich,Bukidnon.
Giila ang namatay’ng biktima nga si Terena Hagilay,minyo nga nagpuyo sa Brgy Canangaan,Cabanglasan.
Gibutyag ni Inocando nga giabangan sa ilang brgy kapitan ang iyang bus aron mangaligo ang mga biktima sa dagat sa Opol,Misamis Oriental sa dihang pag-uli niini ang nawad-a’g kontrol ang driver nga si Anthony Monterola nga taga-Malaybalay City.
Dead on the spot si Hagilay samtang pipila usab sa mga samaron ang nadala sa ospital aron ipaubos sa operasyon tungod sa pagkaipit sa nadisgrasyang bus.
Samtang gikompirmar usab ni Sr Master Sgt Larry Eco,investigator sa Manolo Fortich PNP nga nasulbad na ang kaso ug gawasnon na ang driver kay gitubag ni Inocando ang tanang obligasyon sa hitabo.
