CAGAYAN DE ORO CITY-Gidala sa balay tambalanan ang 4 ka mga pasahero sa RTMI Bus nga nahulog sa kanal sa Barangay Dalwangan Malaybalay City Bukidnon.
Giila ang maong mga biktima nga ang magtiayong Rodolfo Ama ug Julia Atilan, ang bata nilang anak ug usa ka Eva Santinao.
Una niini, Gibutyag ni Malaybalay City Police Station investigator Senior Master Sgt. Cyril Tanquion nga nawad-ag kontrol ang driver sa trailer truck nga si Eric Ino, 32, taga New Matina Davao City dihang mikalit kinig break ug mipadulong sa pikas linya sa dalan diin katabo ang Bus nga gimaneho ni Jonathan Salodar, 40, residente sa Poblacion Quezon, Bukidnon.
Dihang milikay ang Bus, didto kini nakapadulong sa kanal samtang ang truck ang mibangga daplin sa dalan.
Dali ra usab nga gipagawas sa ospital ang mga biktima gumikan kay minor lamang ang mga naangkong injury niini.
Matud ni Tanquion, gikatakdang mopailalom sa amicable settlement ang kampo sa Bus ug Truck driver.
