CAGAYAN DE ORO CITY- Gikompirmar sa kadagkuan sa PNP Region 10 ang pagsunog sa giingong mga sakop sa rebeldeng NPA sa usa ka sakyanan nga naka-kontrata sa kompanyang Del Monte Philippines diha sa Impasug-ong, Bukidnon.
Gibutyag ni PNP-10 spokesperson Supt. Lemuel Gonda nga gisunog sa mga rebelde ang sakyanan tungod sa kapakyasan sa maong kompaniya sa paghatag sa gipangayong revolutionary tax sa walhong grupo.
Hinoon, namahayag si Gonda nga nakigkoordinar na sila sa militar aron ma-imbestigahan ang maong insidente ug makasuhan ang mga responsable niini.
Hisayrang sulod sa unang quarter ning tuiga,daghang mga pagpangsunog ang gihimo sa mga rebelde sa Bukidnon ug Misamis Oriental.
