CAGAYAN DE ORO CITY – Mibalhin na ang suporta sa pipila ka Republicans gikan kang US Pres Donald Trump ngadto kang kanhi Vice Pres Joe Biden sa Amerika.
Gibutyag ni Gabriel Ortigoza, Bombo International News Correspondent sa California nga mismo si kanhi US Pres George Bush ug ang chairman sa Republican National Committee ang mipadayag sa ilang pagbalhin suporta ngadto kang Biden.
Gibutyag ni Ortigoza nga gawas nga milabaw sa mga survey si Biden, nakita usab nila nga mabutang sa peligro ang Amerika kon lugwayan sa laing upat ka tuig si Trump sa pwesto pagka presidente.
Dugang niini nga bisan ang pipila ka kongresista ug mga senador nga alyado ni Trump ang nagpaluyo na kang Biden.
Samtang wala makatabang sa kandidatura ni Trump ang political rallies ning may gisagubang nga pandemic ang kalibutan.
Gibutyag ni Ali Galarpe, Bombo International News Correspondent sa Florida nga sa miaging 2016 election mipabor ang ilang katawhan kang Trump apan may kabag-uhan na ning tungura.
Sumala ni Galarpe nga usa sa mga hinungdan nga mibatig kasuko ang katawhan kang Trump ang pagbaliwala niini sa COVID-19 diin natala ang Amerika nga may pinakadaghang kaso sa coronavirus.
