PC:CdeO’s CIO
CAGAYAN DE ORO CITY-Gidasig karon ni City Treasurer Ramon Mendoza ang mga negosyante nga dili na hulaton mahupas ang deadline sa pag-renew sa ilang business permits ning tuiga.
Kini aron kalikayan nga sila mapahamtanga’g bug-at nga tax penalty tungod sa pakyas pag-renew sa ilang mga permit.
Gibutyag ni Mendoza nga hangtod nga walay ilugway si City Mayor Oscar Moreno pinaagi sa pagtugot sa city council magpabiling Enero 20 lamang ang pagdawat nila sa renewal sa business permits sa syudad.
Nasuta nga anaa sa 23 ngadto 24-mil ka mga negosyante ang gilauman nila nga modagsa sa ilang opisina aron mokuha sa ilang bag-ong mga permiso sa pag-negosyo sa dakbayan.
