CAGAYAN DE ORO CITY – Gilauman ang dugang batakang serbisyo nga matunol sa kagamhanang-lokal ngadto sa mga magbubuhis sa dakbayan sulod ning tuiga.
Kini epekto sa nakolektang buhis sa Business Permit Licensing Division gikan sa business establishments nga nag-renew sa ilang mga permit registration alang ning tuig.
Miingon si Janboy Actub,tigpamaba ni City Mayor Rolando ‘Klarex’ Uy nga subay sa gisulti ni BPLD manager Jason Adaza nga anaa sa pasiunang kapin 20-mil ka negosyante ang naka-renew sa ilang business permits sulod sa duha ka bulan nga tax collection campaign.
Siya miingon nga mas taas kini itandi s sobra 18-mil sa susamang period sa tuig 2024.Dugang niini nga anaa sa inisyal nga mil- 098 ka bag-ong investors ang misulod sa pahumunan sa dakbayan ning tuiga.
Hinoon,wala pa masumada ang tanang tax collections sa duha ka bulan nga proseso nga gilauman ang binilyong kinitaan alang sa dakbayan.
Hisayrang anaa sa sobra 30-mil ka taxpayers ang naglihok sa dakbayan nga nagdumala sa nagkadaiyang klase sa pamuhunan.
