CAGAYAN DE ORO CITY – Wala una’y ipahamtang mga monetary penalty alang sa mga negosyante nga wala pa naka-renew sa ilang mga business permit sulod ning tuiga sa syudad.
Kini human gitubag ni City Mayor Rolando Uy ang hangyo sa mga grupo sa negosyante nga malugwayan kutob Pebrero 28 ang pagproseso sa maong obligasyon.
Dugtong niini,giaghat ni Janboy Actub,tigpmaba ni Uy ang katawhan nga anaa sa pag-negosyo nga dili na hulaton ang mohupas ang gihatag nga extension aron kalikayan ang kahasol ug mga multa.
Sobra 12-mil pa gikan sa gilauman nga 30-mil ka establishmiento ang naka-renew sa ilang mga permisyo nga magnegosyo sa syudad ning tuiga.
Sa sobra 12-mil nga nakakuha na’g permit to business operate,kapin 300 usab niini ang pulos bag-o nga mga magpapatigayon.
Hisayrang mismo daw ang Oro Chamber Commerce ug Filipino-Chinese Chamber of Commerce sa syudad ang naghangyo kang Uy nga lugwayan ang mga adlaw sa pag-proseso aron dili sila makapiki’g samot.
