Gipahibalo ni Ursula von der Leyen, Presidente sa European Commission, nga ang Komisyon mag-propose og pag-iban sa buhis sa kuryente aron matabangan ang mga nasud sa EU sa pag-atubang sa pagsaka sa presyo sa enerhiya. Gipahibalo usab nga ang mga nasud puwede mogamit og state subsidies aron ma-pagaan ang gasto sa mga konsumidor ug kompanya. Lakip sa plano ang paggamit sa kapin €30 bilyon(Thirty billion euros) nga pondo gikan sa Emissions Trading System aron suportahan ang mga proyekto sa green energy ug decarbonisation. Ang pagsaka sa presyo sa enerhiya nasumpay sa global energy shock nga resulta sa tensiyon sa Middle East, lakip ang gubat tali sa U.S. ug Israel kontra Iran. Gilauman nga ang mga nasud sa EU magdesisyon sa labing dali nga panahon kung unsaon pagpatuman sa mga lakang aron mapalig-on ang energy security ug mapagaan ang epekto sa global energy crisis. (By Jane Abulag)
