CAGAYAN DE ORO CITY – (update) Gi-awhag sa Civil Aviation Authority of the Philippines kon CAAP Laguindingan ang mga biyahero ug domestic tourist nga mulibot suroy sa Pilipinas.
Kini tungod kay luwas batok COVID-19 ang tugpahanan sa Laguindingan,Misamis Oriental.
Namahayag si CAAP-Laguindingan Airport Manager Job de Jesus nga lisud nakasulod sa Northern Mindanao ang posibleng carrier sa bayrus tungo kay giwagtang na ang tanan portable scanners ug nahulipan na kini sa thermal scanners.
Gawas niini, gitin-aw ni de Jesus nga may igong kapas ang tugpahanan kuyog ang DoH sa contact tracing kung dunay pasahero nga makasakay sa abyon nga may sintomas sa COVID-19.
Gipahinumduman sa CAAP ang tanan departing passengers nga magmatinud-anon sa ilang pagfill-up sa form nga ihatag sa DoH kanila sa waiting area.
