Ipamugos ni Konsehal Atty Edgar Cabanlas ang hinanali nga pag-rebyu sa Traffic Code sa Cagayan de Oro nga dugay nang tulog.
Kini ang gibutyag ni Cabanlas dihang napangutana sa prensa kung unsa ang pinaka-epektibong paagi sa pagsulbad sa nagsaka nga ihap sa duguong aksidente sa dalan sa syudad.
Miingon si Cabanlas nga kung masugdan ang subling pagtuon, taas ang tsansa nga ipatuman sa syudad ang “No contact apprehension”, sa tanan makasala sa lagda sa trapiko sa syudad gamit ang AI assisted traffic system with CCTV.
Masaligon si Cabanlas nga pinaagi sa AI-Assisted Traffic Management System (AITMS) mas mapasayon ang pag-isyu sa traffic violations kay dili man matikasan sa mga motorista ang LIG-ONG ebidensya nga recorded sa CCTV Footages.
