CAGAYAN DE ORO CITY – Wala mawala ang kuwarta ug samot nga wala kawata apan posibleng gigamit sa mas prioridad nga mga programa sa dakbayan.
Kini ang depensa ni Majority Leader Kag. Edgar Cabanlas sa pagduda sa katawhan nga nagsilbin ang ‘ghost projects’ ang mega health center nga gitukod sa Macahan,Brgy Carmen ning syudad.
Miingon si Cabanlas nga pondong-lokal ang gigamit sa proyekto ug mas gitimbang sa kagamhanan ang mas angay gamitan sa pondo alang sa pag-alagad sa katawhan sa dakbayan.
Gisumbalikan usab sa pagsaway ni Cabanlas ang mga kritiko sa city govt ug gihagit nga dili magpatoong mga limpyo sa ilang mga binuhatan.
Hisayrang nasampit ni Cabanlas sa ilang diskursyon sa sesyon nga posibleng ang maong pondo ang nagamit sa mas prioridad nga batakang-serbisyo sama sa pagtibawas sa mga kakulangon sa city hospital annexes sa Barangay Tablon ug Brgy Lumbia ning syudad.
