CAGAYAN DE ORO CITY – Pagtukaw, pag-ampo ug pag-andam.
Kini ang nag-unang mensahe ni Most Reverend Archbishop Jose Cabantan, DD sa Cagayan de Oro.
Miingon si Cabantan nga ang adbeyento o panahon sa paghulat sa pagkatawo sa manunubos,kanunay madunggan panahon sa pasko, apan ang lapad nga katawhan kulang sa pagsabot sa bili sa paghulat.
Giawhag sa arsobispo ang mga sumusunod ni Kristo nga magtukaw kuyog sa lihok sa Espiritu Santo diha sa kinabuhi, kuyog ang makanunayong pag-ampo.
Kini aron kinasingkasing nga mahiluna sa atong kinabuhi ang Ginoo, samtang nangandam sa iyang pagbalik.
Milaum si Cabantan sa tanan Kristiano nga una magbaton sa igong kaalam ug pagsabot ang publiko gikan sa gipadayag nga ebanghelyo ni San Juan.
Si San Juan misugo sa mga mumusunod ni Kristo nga tul-iron ang dalan sa pagsugat sa pagbalik ni Ginoo sa kalibutan.(Bombo Anne Quileste).
