CAGAYAN DE ORO CITY – Gihagit ni Catholic Most Reverend Jose Cabantan,DD kinsa kasamtangang arsobispo sa Cagayan de Oro Archdiocese ang mga Kristiyano nga magbaton sa bag-ong dalan nga subayon kuyog ang mga ehemplong gawi ngadto sa isig-kaingon.
Kini alayon pagtabok na sa katawhan sa bag-ong tuig dala ang mga maayong binuhatan ug ibilin ang mga hiwi nga kasinatian sa patapos nga 2024.
Gihimo ni Cabantan ang mensahe dungan sa pagsaulog sa kapaskuhan sa nasud diin kadaghanan nangindahay nga adunay mga positibong mga panghitabo sa kinabuhi pagsulod sa bag-ong tuig.
Miingon ang arsobispo nga mahitabo lamang ang kagustuhan sa tawo kon kini tinugutan sa kahitas-an ug makahatag sa kaayuhan ngadto sa kabag-an.
Siya miingon nga ang tinud-anay nga pagbati sa gugma sa Ginoo ug sa isigkaingon ang kabahin sa angay huptan sa matag-kristiyano aron masabtan niini kon nganong kinahanglang magpakabuhi bisan sa mga daghang pagsulay ning panahona.
