CAGAYAN DE ORO CITY-Mitahan sa kapolisan ang Cafgu member nga nakapusil-patay sa brgy tanod sa Brgy Cauyunan, Opol, Misamis Oriental.
Giila ang suspek nga si Toto Habin samtang ang biktima mao si Faustino Castillon, 58 anyos, minyo ug nagpuyo sa maong lungsod.
Una nang miggawas ang report nga nagkabikil ang duruha nga nag-resulta sa pagpamusil gamit ang M-16 rifle sa suspek.
Nakaangkon sa pipila ka samad ang ulo ug lawas sa biktima hinungdan sa iyang kamatayon.
Apan gitin-aw ni 4th ID spokesperson 1Lt. Tere Inghente nga accidental firing ang nahitabo human nangaparta ang biktima sa mga nag-away.
