CAGAYAN DE ORO CITY – Kasong pagsupak sa Comprehensive Dangerous Drugs Act of 2002 ang atubangon sa aktibong sakop sa Citizen Armed Forces Geograhpical Unit (CAFGU) sa piskalya sa Lanao del Sur.
Kini human nadakpan ang suspek nga gialyasan lang nga si Alo,hingkod ang edad sa hiniusang operasyon sa PDEA-BARMM kuyog ang special forces gikan sa kapolisan ug militar sa buy bust operation sa Brgy Talub,Tamparan.
Nabawi gikan sa suspek nga taga-Brgy Cabasaran,Lumybayanague,Lanao del Sur ang 500 gramos sa gitoohang shabu nga mikostar sa P3.4 million nga estimated street value.
Nakuhaan usab kini sa kalibre 45 nga armas kuyog ang upat ka magazines,sling bag ug duha ka IDs.
