Posibleng magdagan na ang mga bag-ong e-taxi sa Cagayan de Oro karong Oktubre o Nobyembre pinaagi sa Hail PH, apan gitumbok sa Cagayan de Oro First Taxi Drivers Alliance (CAFITADA) nga nakasupak sa balaod ang operasyon sa ilang kaatbang nga Green GSM.
Sumala sa presidente sa CAFITADA nga si Bernie Jamaca, gisaad ug gitumbok sa langyaw nga kompanya ang paglapas sa balaod sa EVIDA Act nga nag-ingon nga kinahanglang i-prioritize o hatagan og unang higayon ang mga lokal nga transport operators nga nag-alagad na sa dakbayan sulod sa labaw 30 ka tuig.
Gipadayag usab ni Jamaca nga dawat na sa ilang grupo nga padulong na sa phase-out ang mga daang taxi nga naggamit og krudo ug gasolina, ug uyon sila sa modernisasyon para sa limpyong hangin sa dakbayan.
Apan tungod kay wala moagi sa lokal nga public consultation ang maong langyaw nga kompanya, magpadangat dayon og sulat-reklamo ug petisyon ang CAFITADA ngadto sa LTFRB National aron maaksyonan ang maong isyu. —
