Gisupak pag-ayo sa mga grupo sa transportasyon ang kalit nga pagsulod ug pagbiyahe sa mga taksi sa usa ka langyaw nga kumpanya dinhi sa dakbayan sa Cagayan de Oro.
Gibutyag ni CAFITADA President Bernie Jamaca nga nagpadala na sila og sulat-reklamo sa LTFRB Central Office batok sa Green GSM EV Taxi nga gipanag-iyahan sa usa ka bilyonaryo gikan sa Vietnam.
Dugang pa sa opisyal, gipaabot usab nila ang ilang reklamo ngadto sa Kongreso ug Senado aron usisahon ug imbestigahan kung giunsa paghatag og prangkisa ang maong mga sakyanan.
Aron mas mapalig-on ang ilang petisyon, nakig-uban usab ang ilang grupo sa mga dagkong transport group sa kaulohan sama sa MANIBELA ug National Federation of Transport Cooperatives aron mapanalipdan ang mga lokal nga operator.
