Nakaangkon karon og dakong hulga ang panginabuhian sa mga lokal nga drayber sa Cagayan de Oro gumikan sa paspas nga pagdaghan sa mga langyaw nga green taxi sa kadalanan sa dakbayan.
Gikumpirma ni Cagayan de Oro First Taxi Drivers and Operators Association o CAFITADA President Bernie Jamaca nga pormal na silang molihok pinaagi sa pagpadagan sa ilang kaugalingong electri
c vehicles aron dili tuloy-tuloy nga mahanaw ang kita sa mga pamilyang nagdepende sa tradisyunal nga biyahe.Aron mapaspasan ang maong dinalian nga pagbag-o, nakigtigom gilayon ang maong pundok sa ilang supplier nga Hail PH aron pormal nga ihikay ang mga lakang sa maong pambato nga operasyon.
Pinaagi sa maong lakang, gilauman nga makasugod na sa pagbiyahe ang mga modernong electric taxi sa mga lokal nga drayber aron makatubag sa panginahanglan sa mga pasahero sa dakbayan
