CAGAYAN DE ORO CITY – Gipildi pinaagi sa 7th round technical knockout ni reigning Orient Pacific Boxing Federation Marjohn Yap nga taga-Brgy Agusan ning syudad ang iyang lig-ong kontra nga si Sultan Kudarat native Ulysis Lagos.
Kini human magtigi ang duruha alang sa bakanteng bakus sa Global Boxing Organization o GBO Asia Pacific featherweight title sa Rotunda,Limketkai Mall ning syudad.
Sa unang unom ka rounds,nagkasinukdanay sa kusog ug taktika sila si Yap ug Lagos diin hilom usab nga misaksi ang katawhan niini.
Apan pag-abot sa round 7,na corner ni Yap si Lagos hinungdan nakaluhod kini tungod sa kusog uppercut rason nga wala na makapadayon sa maong away.
Si Yap nagbaton na sa 30 ka daug,15 knockouts samtang si Lagos dunay 15 ka daug,3 knockouts ug duha ang pildi.
