CAGAYAN DE ORO CITY – Mitala’g kadaugan nga naghatag sa dungog alang sa Cagay-anons ang boksidor nga naggikan sa Cagayan de Oro boxing team didto sa Bangkok,Thailand.
Kini human pildiha sa 3-2 points decision ni Cagay-anon boxer Marvin Tabamo si 2017 South East Asian Games flyweight gold medalist Indonesian Aldoms Suguro sa maong nasud.
Tungod niini,abante na si Tabamo sa sunod nga round sa Asian Boxing Championships kuyog ang ubang Pinoy boxers nga milampos sa ilang tagsa-tagsa ka mga away.
Samtang sa pikas bahin,subo usab nga pakyas si Cagay-anon boxer Sugar Ray Ocana makasakmit sa kadaugan sa iyang away batok Japanese boxer Daisuke Narimatsu.
Kini human nagbaton sa right eyebrow cut tungod sa accidental head collision ang duha hinungdan gipakanaug ang Referee Stopped Contest due to Injury o RSC-I.
Nasayran nga mismo ang Philippine Sports Commission (PSC) ang naghatag pondo sa Pinoy boxers aron kabahin sa makig-kompetensiya sa gatusang mga boksidor gikan sa 34 ka kanasuran niadtong miaging semana.
