Gipasigarbo ni Barangay 23 Chairman Jaime Frias ang kahanas, ug naabtan sa abilidad ni SEA Games Woman FIDE Master (WFM) Ruelle Canino.
Sa interbyu sa BOMBO RADYO kang Frias, kinsa nagsilbing coach ni Canino, siya miingon nga malampusong nadominar sa pinay chess master ang Thai Chess nga naila usab isip Mix Makruk game.
Tungod sa iyang malantip nga salabutan, iyang nahatagan sa dalan ang Team Pilipinas nga maka-abante sa semi finals. Gikonsiderar ni Frias si Ruelle isip scoring machine sa Thai Chess.
Una niini, gibutyag ni Coach Frias nga adunay unom ka teams ang nagdula sa Makruk Chess sa 33rd SEA Games, diin nangulo niini ang Team Vietnam, samtang nag-tie ang Pilipinas ug Thailand, ug misunod ang Singapore.
Karong adlawa, dulaon ang semi-finals, ug dako ang tsansa nga maka-atbang sa Pilipinas ang Thailand team sa semis.
