CAGAYAN DE ORO CITY – Representahan ni Allan Roy Sambaan II ang Cagayan de Oro alang sa koronasyon sa 2023 Mr.International Philippines sa kauluhan ning tuiga.
Kini maoy iyang gitug-an atubangan sa naglangkob sa konseho nga gipanguluhan ni City Vice Mayor Jocelyn ‘Bebot’ Rodriguez sa ilang regular session ning syudad.
Miingon si Sambaan nga siya kasamtangang tinun-an sa Xavier University ug natahasan nga representahan ang dakbayan sa maong indigay.
Namahayag kini nga magsugod ang pageant activities sa petsa 18 hangtod Hunyo 23 sa kauluhan ning tuiga.
Dugtong niini,mihangyo kini sa tabang-pinansyal sa konseho alang sa dugang galastuhan samtang atua sa kauluhan.
Gilayong mipasalig usab ang konseho sa ilang pagtunol sa tabang aron may madugang nga magamit nunot sa giapilan nga indigay sa kaambungan.
