Wala pa gihapon magsink-in alang kang Engr. Carl Vincent Malinao, sa Xavier University-Ateneo de Cagayan, ang pagsilbing top notcher sa bag-uhay lang napalugwa nga resulta sa Electronics Engineering Licensure Examination (EELE) sa Philippine Regulation Commission (PRC).
Sa exclusive interview sa BOMBO RADYO mi-angkon si Malinao nga grabe ang iyang gibating pag-antos ug sakripisyo aron ipasar ang maong pasulit ug wala niya damha nga mulanding siya sa pinakataas nga ranggo sa napulo ka mga top performing graduates nga mikuha sa licensure exam.
Siya mi-angkon nga nagsugod ang tanan dihang bata pa siya nga mahiligon sa pagdisassemble sa mga robots, video games ug programming, hangtud sa nag-abot siyag Grade 10 ug gipili niya ang Robotics.
Mas nahimo siyang inspirado nga sumpayan ang iyang kahibalo dihang sa pagtungtong sa kolehiyo nagproceed kini’g kuha sa kursong electronics engineer.
Gipasalamatan ni Malinao ang walay kinutubang suporta sa iyang mga ginikanan, inspirasyon sa iyang mga magtutudlo ug motibasyon gikan sa iyang mga classmates sa kolihiyo. –
