CAGAYAN DE ORO CITY-Gihupay karon sa Cagay-anon ang gibati nga kabalaka sa mga residente nga nakabase ning syudad nga adunay mga kabanay nga nagtrabaho ug nanimuyo na sa London,United Kingdom.
Kini human subli giatake sa nag-inusara nga sakop sa teroristang ISIS ang train station diin miangol sa 22 ka pasahero sa miaging adlaw.
Gibutyag sa Bombo news international correspondent nga si Eleanor Sy-Templeman nga gikan sa Brgy Patag ning syudad ug nagtrabaho isip interpreter sa London nga migamit sa improvised explosive device o IED ang suspek samtang misakay sa train.
Hinoon,wala makabuto ang bomba apan naangol ang mga pasahero tungod sa stampede kay naglumba’g gawas gikan sa train.
