CAGAYAN DE ORO CITY – Ihatod na sa katapusang pahulayan ang namatay’ng kadete sa Philippine Military Academy nga si Darwin Dormitorio tungod sa hazing sa Baguio City.
Sumala sa igsoon sa namatay nga si Dexter Dormitorio, sugdan ang seremonyas alas-10:00 karong buntag ayha ilubong sa Oro Memorial Gardens sa Brgy Lumbia ning syudad.
Si Dormitorio miingon nga may himoon nga military honors ang Armed Forces of the Philippines kang Darwin.
Una nang gipanganti sa pamilyang Dormitorio nga kasuhan nila ang kadagkuan sa PMA officials ug ang mga kadete nga mipatay kang Darwin.
Nasayran nga tungod sa hitabo,nag-resign sa katungdanan ang pipila ka PMA officials samtang gipangtangtang ang upat ka kadete nga utok sa pagkulata kang Dormitorio.
