Nangandam na ang Cagayan de Oro City Water District kun COWD pinaagi sa ilang Emergency Response Plan aron masiguro nga dili kukulangan sa tubig ang mga molupyo nunot sa bahad sa El Niño phenomenon.
Gisaysay ni Board of Directors Chairman Dr. Gerry Caño nga ipagawas na nila karong bulana ang mga solusyon, apil na ang pag-control sa pressure sa tubig ug ang posibleng pag-racion ilalom sa Level 4 kung manimaho nga mokibra ang supply.
Gidugang pa ni Caño nga nakig-alayon na sila sa nagkadaiyang ahensya sama sa Bureau of Fire Protection, DENR, ug NIA aron mapangandaman ang pag-us-us sa tubig gikan sa ilang duha ka bulk water suppliers nga COBI ug South Balibago.
Tumong niini nga dali nilang ma-activate ang uban pang production wells ug matubag dayon ang panginahanglan sa katawhan kung man galing moseryoso ang pag-igo sa huwaw.
