Kumbinsido ang mga kadagkuan sa Cagayan de Oro Evangelical Council (CEC) sa positibo nga epekto sa pagpatuman sa Anti-Political Dynasty Law sa Pilipinas.
Si CEC Chairman Pastor Jeff Baconga miingon nga sa kadaghang bersyon sa sugyot balaodnon nga gidugo sa managlahing grupo o magbabalaod, ang pinaka-importante sa tanan mao ang mga sukdanan sa ipatuman nga balaod.
Namugos si Baconga nga kinahanglan mapatuman ang pagkibhang sa political monolopies o paghupot sa daghang miyembro sa pamilya sa tag-as nga posisyon sa usa ka lugar aron mahatagan ang luna sa lapad nga demokratikong partisipasyon sa pagpapili panahon sa eleksyon.
Hisayran nga subay sa mga napasa nga mga sugyot ang Anti-Political Dynasty bill misamin sa mga kondisyones sama sa pagpugong sa korapsyon ug nepotismo kuyog ang pagpalambo sa representasyon sa katawhan, kay kini nga mekanismo muhatag kasiguraduan nga ang gahum sa politika dili mahimong kaugalingon nga negosyo sa pipila ka pamilya.
