CAGAYAN DE ORO CITY – Gipamugos sa City Information Office sa Cagayan de Oro nga earthquake resilient ang syudad.
Gihimo ni Maricel Rivera ug Oliver Egypto ang pamahayag samtang sila sab nakabati sa dili ti-aw nga pagduyan sa kayutaan, epekto sa linog didto sa Tulunan North Cotabato.
Gani, mi-angkon si Rivera nga lakip nilang ipasusi ang mga gambalay sa City Hall ug mga tunghaan aron maseguro nga luwas ang mga trabahante ng mga bata sa mga pampublikong tunghaan.
Gikalipay sa syudad ang paspas nga pagdeklarar sa DepEd nga isuspenso ang klase alang sa kaluwasan sa mga magtutungha.
