Ang pamilya Tiano sa Cagayan de Oro usa ka halangdong panimalay nga puno sa kaisog ug pagmahal sa nasud.
Ang Tiano Brothers Street ginganlan sa tulo ka igsoon nga namatay sa serbisyo: sila Nestor, Ronaldo, ug Apollo Tiano.
Si Nestor Tiano namatay sa Battle of Bataan niadtong Enero 23, 1942 samtang nagdepensa sa Aglaloma Point batok sa mga Hapon.
Ang iyang sakripisyo usa ka timaan sa kabatan-onan nga ang kagawasan adunay bili nga angay panalipdan.
Si Ronaldo Tiano usa ka 1st Lieutenant sa Philippine Army Air Force nga nakasurvive sa Bataan Death March.
Bisan pa sa kalisod, wala siya mituman sa mando sa mga Hapon ug misulod sa guerrilla movement. Namatay siya sa usa ka aksidente sa eroplano, apan ang iyang kaisog nagpabilin nga inspirasyon.
Si Apollo Tiano usa ka 2nd Lieutenant nga volunteer sa Korean War ug namatay sa Battle of Hill Eerie batok sa liboan ka Chinese soldiers.
Apan dili lang sila ang nakigbisog — lima ka lalaki ug usa ka babaye sa pamilya Tiano ang aktibong miapil sa gubat.
Ang ilang panaghiusa ug paningkamot nagpakita sa tinuod nga espiritu sa patriotismo.
Usa ka lokal nga bersyon sa “Band of Brothers,” ang pamilya Tiano nagpabilin nga simbolo sa kagawasan ug panaghiusa.
Ang ilang istorya angay timanaan ug ipasigarbo sa tanang Kagay-anon ug Pilipino.
