CAGAYAN DE ORO CITY – Gipamatud-an sa syudad sa Cagayan de Oro nga kanunay kining nag-una ug sulod sa top 10 sa Highly Urbanized Cities, kung hisgutan ang kalambuan sa ekonomiya sa gilusad nga Cities and Municipalities Competitive Index (CMCI) Cycle Awarding Ceremony, kagahapong adlawa.
Ang prestihiyosong award giving body dunay lima ka kategorya nga gilangkoban sa Econimic Dynamism Award; Government Efficiency Award; Most Competitive Infrastructure; Resiliency Award ug Most Competitive Innovation Awards.
Nasakmit sa syudad ang TOP 1 sa pagsilbing Most Competitive Resiliency, gikan sa 33 ka mga highly urbanized cities nga nagtigi sa maong pasidungog.
Maoy nagsilbing top 2 ug 3 ang Muntinlupa sa Metro Manila ug Quezon City.
Pulos sulod sa top 10 ang syudad gikan sa lima ka mga kategorya kundiin milanding sa top 9 ang syudad sa pagsilbing Most Competitive Econimic Dynamism; Top 7 sa Most Competitive Government Efficiency Category; Top 7 sa Most Competitive Infrastructure; ug top 6 sa Most Competitive Innovation.
Ang overall ranking sa syudad misaka sa usa ka ang-ang kundiin milanding kini sa top 6 overall ranking sa Cities and Municipalities Competitive Index (CMCI).
Sa miaging tuig, anaa sa ika-pito ang ranking sa syudad, gikan sa kapin 30 ka mga highly urbanized cities sa Pilipinas.
