Gipahugtan na karon sa dakbayan sa Cagayan de Oro ang pagpatuman sa road clearing operations aron mahawan ang mga nakasagabal nga istruktura ug mga baligya diha sa pampublikong kadalanan ug merkado sa syudad.
Gipahayag sa tigpamaba sa mayor nga si Janboy Actub nga ang maong lakang pagpatuman usab sa traffic code sa dakbayan subay sa memorandum circular gikan sa DILG.
Subay niini, hisayrang mi-viral ug nahimong kontrobersyal sa social media ang unang adlaw sa maong operasyon tungod sa naobserbahang paggamit og pwersa sa mga task force batok sa mga vendors nga milapas sa lagda.
Hinuon, gipasabot sa buhatan nga ang maong pagpanglimpyo dili lang alang sa Cogon market kon dili gihimo kini sa tibuok dakbayan pinaagi sa pakigtambayayong sa mga opisyal sa barangay.
