Andam na ang kagamhanan sa Cagayan de Oro sa panguna ni Mayor Rolando “Klarex” Uy sa pag-host sa National Executive Board Meeting sa League of Cities of the Philippines karong adlawa samtang gipailalom sa heightened alert ang seguridad sa tibuok dakbayan.
Gipahayag ni City Information Officer Jade Adeser nga fully-prepared na ang tanang buhatan alang sa pag-abot sa kapin 30 ka mga mayor ug mga opisyal sa nagkalain-laing ahensya sa gobyerno.
Gawas pa niini, gilauman usab sa maong panagtigum ang opisyal nga pagpirmag Sisterhood City agreement tali sa Cagayan de Oro ug San Juan City aron mapalambo ang ekonomiya ug turismo.
Tungod niini, gipakatap ang mga kapulisan ug sakop sa Roads and Traffic Administration aron masiguro ang hapsay nga dagan sa trapiko ug seguridad sa tanang bisita.
