CAGAYAN DE ORO CITY – Mibati’g satipaksyon si Calamba mayoralty candidate George ‘Garwin’ Matunog sa findings sa CIDG investigation aron matumbok ang mga tawo nga nagtinguha paghunos sa iyang kinabuhi sa Misamis Occidental sa miaging Marso ning tuiga.
Kini human hingpit nang naka-rekober ug makasulti bisan kon naglisod siya’g estorya gikan sa pagka-pusili niini sa motorcycle in tandem suspects sa maong lugar.
Gibutyag ni Matunog nga wala siya’y laing matudlo gawas sa grupo ni kanhi Calamba Mayor Luisito Villanueva kinsa gikauban pa niya samtang dunay gibuksan nga patigayon sa ilang lungsod.
Si Matunog ug Villanueva ang magka-atbang pagka-mayor sa ilang lungsod sa Mayo 9 nga piliay.
