CAGAYAN DE ORO CITY – Dili mohunong ang usa ka peace advocate paghangyo sa duha ka panig nga buksan pagbalik ang ilang ganghaan alang sa unilateral ceasefire nga ikaayo sa katawhan sa nasud.
Miingon si IFI Cagayan de Oro Diocesan Bishop Felixberto Calang nga tahas unta sa duha ka panig nga masiguro ang kahusay’g kalinaw ilabina sa panahon sa kapaskuhan ug pagsugat bag-ong tuig.
Kini ang hinungdang nga nagpadala sila’g sulat aron hangyoon ang gobierno ug CPP-NPA nga dili ihikaw kon unsa man ang mas pabor sa katawhan sa panahon sa kapaskuhan sa nasud.
Hisayrang ilado si Calang nga personalidad nga naghingusog sa tinud-anay nga kahusay’g kalinaw rason nga kabahin kini sa partisipante sa milabay’ng peace talks tali gobierno ug CPP-NPA-NDFP didto sa Orupa.
