CAGAYAN DE ORO CITY – Gisupak ni committee on police and public safety chairman Kag. Romeo Calizo ang ideya sa pipila ka opisyal sa Philippine National Police o PNP officials nga dili maka-konsiderar nga dakong adik ang talagsa lang paggamit sa illegal nga droga.
Kini human unang namahayag niini si PNP chief Gen Rommel Marbil nga adunay bug-at nga rason ang uban nila nga mga personahe paggamit sa maong bisyo.
Kini sa tuyo nga may dugang kusog nga magamit kon malugwayan ang ilang oras sa pagtrabaho.
Miingon si Calizo nga dako kining kasupakan sa balaod ug dili angayang patughan nga bisyo.
Namugos kaniadto ang Kampo Krame nga na out of context lang daw ang pagpasabot ni Marbil sa maong isyu.
Una nang namahayag usab si Philippine Drug Enforcement Agency 10 Director Atty Benjamin Gaspi nga managlahi ang ilang baruganan pag-abot sa maong isyu.
Kini tungod kay sa simple nga paggamit sa illegal nga droga,indikasyon na kini nga nagapos na ang usa ka tawo niini nga klase sa bisyo.
Hisayrang si Calizo ang kanhi dakong opisyal sa military diin puno sa pag-disiplina nga midala sa iyang mga ginsakupan kaniadto apil na ang pagdili sa paggamit sa illegal nga droga.
