CAGAYAN DE ORO CITY –Dead on arrival ang call center agent nga mibangga sa nakaparadang multicab diha sa Upper Carmen ning syudad.
Giila ang biktima nga si John Michael Ragay,34 anyos nga nagpuyo sa Xavier Heights,Upper Balulang sa syudad.
Saysay sa higala nga si Joseph Achacoso nga kusog ang dagan sa biktima sa gisakyang motorsiklo hinungdan gisungag ang multicab.
Nakaangkon sa grabeng samad ug bun-og ang biktima rason nga patay nang nadala sa J.R. Borja City Memorial Hospital.
Gikan ang maghigala sa Brgy Lapasan nga nagsakay sa tagsa-tagsa nila ka motorsiklo ug dunay gusto ikakita sa uptown dihang nahitabo ang aksidente kagabii.
