CAGAYAN DE ORO CITY – Malinawon ug walay dagkung kagubot nga natala ang mga kapulisan sa isla sa Camiguin sa ikatolong adlaw sa Semana Santa.
Taliwala kini sa pagdagsa sa deboto nga mohimog pilgrimage sa Walk Way sa Catarman sugod ugmang adlawa.
Namahayag si Police Capt Ryan Cabili sa Bombo Radyo Cagayan de Oro nga bisan ang ilang lakaw sa pulitika, nagpabiling hapsay tungod kay halos walay mga kaatbang ang mga kandidato.
Hinoon, sa milabay’ng adlaw, milusad sila sa peace covenant signing ug walk for peace aron ipaniguro nga pagkahuman sa Semana Santa, puy-an sa matag kandidato ang ilang saad nga dili musabwag ug kagubot sa isla.
