CAGAYAN DE ORO CITY-Gikalipay pag-ayo sa katawhan ug gidagsaan ang pagbisita sa walo ka Ms Universe candidates sa mga tourist spot sa Camiguin.
Kini human napili sa Ms Universe Organization o MOU nga dad-on ang mga kandidata sa mga nindot nga talan-awon sa maong isla.
Gibutyag ni Camiguin Gov Baby Romualdo nga sobra ka palaran ang ilang katawhan kay giduaw sila sa mga maanyag nga kandidata sa MOU.
Siya miingon nga mosamot pa ka lig-on ang turismo sa ilang probinsya tungod sa Ms U beauties.
Kabahin sa mga misuroy sa white island,sunken cemetery,old ruin church,Tuasan falls ug Balay Bakasyonan ang mga kandidta sa Canada,South Korea,India,Netherlands,Malaysia,Spain,Italy,Singapore ug USA.
