CAGAYAN DE ORO CITY- Gimando karon sa Camp Crame nga dili lamang mag-sentro ang PNP-10 sa ilang kampanya batok illegal nga droga dinhi sa rehiyon.
Gihimo ni PNP deputy chief director for administration C/Supt Ramon Apolinario ang kamanduan atol sa paghatag pasidungog sa 10 ka outstanding police station commanders alayo sa double
barrel alpha reloaded sa Camp Alagar sa syudad kagahapong adlawa.
Si Apolinario miingon nga talagsaon ang nahuptan nga performance sa PNP-10 tungod kay nagsunod kini sa PNP-7 ug PNP-4A diin nalabwan ang National Capital Region.
Apan namahayag si Apolinario nga dili angay kalimtan sa kapolisan ang mga kaso sa kamatay;rape ug pagpanulis nga komon mahitabo sa usa ka syudad o probinsya.
Dugtong niini,gihagit ni City Police Director Sr Supt Roy Bahian ang tanang police station commanders nga mohimo’g maayo nga lakang pagsumpo sa ilegal nga droga sa syudad.
Kini sa tuyo nga makuha usab nila ang pasidungog nga natunol ni Apolinario sa upat ka police stations nga nakabase sa syudad.
Una nang nasakmit sa city police office ang kapi’g 4 milyones pesos nga balor sa shabu ug marijuana alayon sa PNP double barrel alpha reloaded sulod lamang sa bulan sa Marso ning tuiga.
Sa pikas bahin,makontento sa sweldo ug likayan ang sobrang pag-gasto sa mga butang nga walay
hinungdan.
Kini maoy mensahe sa kadagkuan sa PNP region 10 ngadto sa kapolisan sa rehiyon 10 isip kabahin sa ilang internal cleansing.
Matud ni PNP-10 spokesperson Supt. Lemuel Gonda nga mao kini ang angayang himoon sa kapolisan aron dili sila matintal sa paglambigit sa mga illegal nga kalihukan aron makasapi ug dako.
Si Gonda miingon nga angayang huna-huna-on sa mga pulis nga pagkatang-tang sa serbisyo ang ilang atubangon kon sila masapong malambigit sa ilegal nga kalihukan ilabina na sa ginadiling druga.
