CAGAYAN DE ORO CITY, Philippines – Dili na trade partners ang Canada ug Estados Unidos sama kaniadto, sumala ni Canada’s Natural Resources Minister Jonathan Wilkinson.
Miingon si Wilkinson nga sukad namugna ang 1988 free trade agreement, gilantaw sa mga Canadians ang mga Amerikano isip higala ug partners.
Apan, nabag-o na ang tanan ning tuiga human pahamtangin sa 25% nga usbaw sa singil sa taripa ang tanan trade products gikan sa Canada ug 10% sa energy products.
Ang Canada misumbalik usab sa pagpakang sa 25% tariffs nga nagkantidad sa 155 billion Canadian dollars (107 billion U.S. dollars) gikan sa tanan musulod nga American goods sa ilang nasud.
Mahinuduman nga si US President Donald Trump ra usab ang mibakwi sa iyang gipahamtang nga usbaw sa taripa sa milaba’y bulan.
Kagahapon, gianunsyo sa usa ka dakung oil company sa Canada nga ilang gihulipan ang pag-angkat sa lana gikan sa Amerika ngadto sa European Oil.
