Gipakusgan sa Department of Education ang paghatag og capacity building sa mga Parents-Teachers Association kon PTA sa dakbayan sa Cagayan de Oro taliwala sa mga nahitabong kagubot sa mga tunghaan.
Namahayag si DepEd CDO Program Director Head Romeo Aclo nga tumong niini nga pataason ang kahibalo sa mga ginikanan bahin sa mental health, social condition, ug ang mga hulga gikan sa internet.
Pinaagi niini, matudloan ang mga ginikanan ug magtutudlo sa pag-monitor sa kahimtang sa mga estudyante sulod ug gawas sa tunghaan.
Apan, nagpahimangno ang buhatan nga kinahanglan ang pagtinabangay sa tanan aron mapugngan ang violent behavior sa kabataan.
