CAGAYAN DE ORO CITY- Blangko pa ang kapolisan sa hinungdan sa paghikog-patay sa usa ka lalake
diha sa Sta Cruz, Brgy Lapasan ning syudad.
Naghikog pinaagi sa paghikot alambre sa iyang liog ang biktima nga si Jake Rosales alyas Dos Por Dos, 20-anyos ug residente sa Baloi, Barangay Tablon ning syudad.
Matud ni SP01 Michael Fortunado sa Agora Police Station nga mas maayo nga ipaubos sa
otopsiya ang patay’ng lawas sa biktima aron mahibal-an sa pamilya kon may foul play sa kamatayon niini.
Samtang nagtoo si Jack Viña nga problema sa gugma ang hinungdan kon nganong naghikog-patay si
Rosales.
Sumala ni Viña nga sulod sa pila ka bulan nga panag-uban nila sa biktima, nakita niini nga
gugmaan kini sa iyang hinigugma nga taga Brgy Bugo ning syudad.
Nagduda si Viña nga nagselos ang biktima sa iyang hinigugma ilabina nga dili niini ipakita ang celphone. Hisayran nga naghikog si Rosales sa Viña residence diin nagtrabaho siya isip carwasher.
