Nanawagan si Calookan Bishop ug Catholic Bishops’ Conference of the Philippines (CBCP) President Cardinal Pablo Virgilio David kang Presidente Ferdinand Marcos Jr. nga magtukod sa Truth and Reconciliation Commission aron susihon ang mga alegasyon sa extrajudicial killings sa panahon ni kanhi presidente Rodrigo Duterte.
Matod ni Cardinal David, nagsulat na siya sa Malacañang aron hangyoon ang pagtukod sa komisyon diin ang mga biktima, mga testigo, ug mga otoridad makapahayag sa ilang kasinatian ug testimonya.
Gisuportahan usab niya nga ang mga biktima hatagan sa kompensasyon ug psychosocial support aron matabangan sila sa ilang pagbangon. Nagtuo si David nga adunay mga binayarang mamumuno ug death squads nga gipondohan sa gobyerno sa miaging administrasyon.
