Cardinal Tagle, gipahimangnoan ang pipila ka kaparian nga gagamit sa AI

Gipahimangnoan ni Cardinal Luis Antonio Tagle ang mga kaparian batok sa paggamit og Artificial Intelligence (AI) sa pag-andam sa ilang mga homily ug recollection sa simbahan.

Atol sa gipahigayong Diamond Jubilee Mass sa Diocese of Legazpi, gipadayag ni Cardinal Tagle nga kung dili gikan sa kasing-kasing ang usa ka homily kay dili kini hingpit nga matawag isip homily.

Matud ni Cardinal Tagle, ang tinuod nga misyonaryo kay angay magdala og pagtuo pinaagi sa tiunay nga pakig-uban sa isigkatawo ug dili lamang itugyan ang impormasyon sa database sa AI.

Dugtong niini, mipahayag usab ang Cardinal nga bisan pa nga pakatabang ang teknolohiya sa adlaw-adlaw bulohaton, apan ang usa ka pag-alagad kay mahimo lamang makahuloganon kung giubanan kini sa kasing-kasing nga dunay empatiya og senseridad.

Mahinumdoman nga miapelar usab si Pope Leo XIV sa iyang pinakaunang encyclical letter ang “Magnifica Humanitas” alang sa regulasyon sa paggamit og AI. (raniel mahunyag)