CAGAYAN DE ORO CITY – Nangulo sa pag-ampo pinaagi sa santos nga rosaryo si Cardinal Luis Antonio Tagle kinsa pro-prefect of the Dicastery for Evangelization sa simbahang Katoliko alang sa paspas nga paglagsik sa panglawas ni Pope Francis.
Kini human pabiling wala pa makagawas sa ospital ang santo papa tungod sa gihambin niining suliran sa panglawas.
Miingon si Fr. Coke Daryl Prieto nga sakop sa Cagayan de Oro Archdiocese nga nag-eskuwela sa Roma nga kada-gabii ang ilang mga paghalad sa pag-ampo alang sa santo papa.
Siya miingon nga hinoon,makalihok-lihok na si Pope Francis bisan anaa pa sa Gemelli hospital apan pabiling gimonitor sa iyang mga doctor ang kahimtang niini.
Hisayrang nag-edad na sa 88 si Pope Francis diin siya nagsugod sa pagpangulo sa simbahang Katolika sa tuig 2013.
